Атақты әулие, тақуа Бәһлул Дана замандастарымен, әсіресе, Халифа Һарун Рашидпен жиі рухани сұхбаттасатын. Халифа оның бұл ісін ұнатып, оның сарайға еркін кіріп-шығуына рұқсат берген екен.

Бір уақыттары Бәһлул Дана ұзақ уақыт сарайға бармай қояды. Күндердің бір күні Халифа Һарун Рашид одан қызығушылық танытып:

– Бәһлул, көрінбегелі көп болды, қайда болдың? – деп сұрайды. Сонда Бәһлул:

– Мені жәһаннамға апарып, сол жердегі жағдайды көрсетті, – деді.

Халифа Һарун Рашид оның бұл жауабына таң қалып:

– Ол жерге қалай кірдің? Отқа жанған жоқсың ба? – деп сұрайды.

Бәһлул Дана халифаны одан ары таң қалдырып:

ТАҒЫ ОҚЫҢЫЗ:  «Мен адам емеспін...»

– Жоқ, жәһаннамнан ешқандай от көрмедім. Өйткені әркім отты дүниеден өзі алып барады екен!… депті.

Дайындаған – Тұрар ТҮГЕЛҰЛЫ

Пікір жазу