Конфессияаралық және өркениетаралық диалогты дамыту жөніндегі Нұрсұлтан Назарбаев орталығы Басқармасының Төрағасы Алтай Әбибуллаев пен Назарбаев Университетінің Президенті Шигео Катсу ынтымақтастық туралы меморандумға қол қойды.

Меморандумның мақсаты – Орталық пен Назарбаев Университеті арасында бірлескен іс-шаралар өткізу, диалогтық алаңдар мен дінаралық, конфессияаралық және өркениетаралық диалогты ілгерілетуге бағытталған дискуссиялық алаңдар ашу, діни дәрістер, діни көшбасшылардың, көрнекті мемлекет қайраткерлерінің, ғалымдардың, орталық өкілдерінің қатысуымен тұлғалық дәрістер мен сараптамалық кездесулер өткізу.

Тараптар серіктестік қатынастарды дамытуға, конфессияаралық және этносаралық келісімнің, толеранттылықтың, үйлесім мен бейбітшіліктің қазақстандық бірегей моделін ілгерілетуге бағытталған перспективалық жобаларды іске асыруда ақпараттық қолдау көрсетуге бар күш салуға дайын.

Айта кетейік, Конфессияаралық және өркениетаралық диалогты дамыту жөніндегі  Н. Назарбаев орталығының миссиясы – Қазақстан Республикасының Тұңғыш Президенті – Елбасының конфессияаралық және өркениетаралық диалогты сақтау және қамтамасыз ету жөніндегі бастамаларын ілгерілету, Әлемдік және дәстүрлі діндер лидерлері Съезінің идеяларын халықаралық деңгейде танымал ету, халықаралық диалогты ілгерілету бойынша жаңа бастамаларды дамыту.

Сондай-ақ, Назарбаев орталығы мен Қасиетті Тақтың Дінаралық диалог жөніндегі Папалық Кеңесі (Ватикан) өзара түсіністік туралы Меморандумға қол қойды.

Рухани дипломатияның халықаралық бастамаларын насихаттау, Әлемдік және дәстүрлі діндер лидерлері Съезінің идеялары мен шешімдерін кеңінен насихаттау, Қазақстан мен Ватикан арасындағы байланыстар мен сенімнің тереңдеуіне, сондай-ақ одан әрі сындарлы ынтымақтастықты дамытуға ықпал ету мақсатында 15 қазанда Конфессияаралық және өркениетаралық диалогты дамыту жөніндегі Нұрсұлтан Назарбаев орталығы Басқармасының Төрағасы Алтай Әбибуллаев пен Қасиетті Тақтың Дінаралық диалог жөніндегі Папалық Кеңесінің Президенті (Ватикан) Кардинал Miguel Ángel Ayuso Guixot (онлайн режимінде) алғаш рет өзара түсіністік туралы меморандумға қол қойды.

ТАҒЫ ОҚЫҢЫЗ:  Елордада терроризмге қарсы оқу-жаттығулар өтеді

«Рим Папасы Иоанн Павел II мен Қазақстан Республикасының Тұңғыш Президенті Нұрсұлтан Назарбаев біздің әртүрлі діндердің, мәдениеттер мен тілдердің өкілдері болуымызға қарамастан, бауырларымыз бен қарындастарымызды біртұтас адамзатқа біріктіретін мықты диалог құрды. Сондықтан мен Әлемдік және дәстүрлі діндер лидерлері Съезі Хатшылығын ойдағыдай басқарған Қазақстан Республикасының Президенті, Жоғары Мәртебелі Қасым-Жомарт Тоқаев мырзаға да құрметімді білдіргім келеді. Президент Қасым-Жомарт Тоқаев діндер мен мәдениетаралық диалогты ілгерілету бойынша үлкен жұмыс жасады», – деді Кардинал Miguel Ángel Ayuso Guixot.

Меморандум тараптардың «Бейбітшілік пен бірлесіп өмір сүру мақсатындағы адамзаттық бауырластық туралы құжатты» қолдауын, сондай-ақ мәдениеттер, этностар мен діндердің өзара түсіністігі мен келісімі бойынша жобалар мен іс-шараларды жүзеге асыру үшін «Диалог жөніндегі бірлескен комитет» құруды, Әлемдік және дәстүрлі діндер лидерлері Съезінің бастамаларын, бітімгершілік принциптері, теңдік және төзімділікті өзара қолдау мен ілгерілетуді мақсат етеді.

Пікір жазу