Нұр-Сұлтан қаласының тұрғындары орталықтандырылған, тегін 109 нөмірі арқылы дін саласына қатысты сұрақтар мен ұсыныстарын айтып, елорданың діни бірлестіктері мен діни ғимараттары, діни мерекелер туралы ақпарат ала алады, деп хабарлайды azattyq-ruhy.kz елорда әкімдігінің ресми сайтына сілтеме жасап.

Қала тұрғындары қажет болған жағдайда сенім телефоны арқылы дінтанушы мен психологтың көмегіне жүгіне алады.

«Сонымен қатар қажет болған жағдайда сенім телефоны арқылы жоғары дәрежедегі теолог, дінтанушы және психолог мамандардың көмегіне жүгіне алады. Сондай-ақ 109 нөміріне бойынша дін саласы бойынша құқық бұзушылық фактілері және т.б. сұрақтармен хабарласуға болады», – делінген хабарламада.

Айта кету керек, Нұр-Сұлтан қаласы әкімдігінің іKOMEK 109 бірыңғай байланыс орталығы барлық байланыс орталықтарын біріктіріп, қала тұрғындарына ақпаратты жедел жеткізетін бірден-бір орталық.

Пікір жазу