25 маусым. KAZISLAM – Кеше Павлодар облыстық «Мәшһүр Жүсіп» мешітінде қала және аудан бас имамдары өкіл имам алдында есеп берді, деп жазады muftyat.kz.

Жиынды ҚМДБ-ның Павлодар облысындағы өкіл имамы Жолдас Қоспақұлы жүргізді. Жиында күн тәртібіндегі мәселелер қадағаланды. Қала, аудан имамдары өткен қасиетті рамазан айында атқарған жұмыстарының есебін арнайы слайдтар арқылы ұсынып, қойылған сұрақтарға жауап берді. Бақылау-басқару, уағыз-насихат жұмыстары, діни ағартушылық саласы мен  теріс ағымдармен жұмыс, сауат ашу курстарын жан-жақты дамыту,  жат ағымдардың белсенді әрекеттеріне тосқауыл қою, олармен кешенді жұмыс жасау, «Еріктілер» тобының жұмысын пәрмендендіру, «Қайырымдылық жәрмеңкелерін»  ұйымдастырып тұру, «Әбу Бәкір Сыддық» медресесі, «Нұр-Мүбарак» университетіне талапкерлер жіберу және «Зекет» қоры бойынша жүргізілген жұмыстарына мешіт имамдары жеке-жеке есеп берді.

ТАҒЫ ОҚЫҢЫЗ:  Бас имамның мешітке тиесілі көліктерді сатып жібергені рас па?

Өкіл имам  қала, аудан имамдарына  қатаң талап қоя отырып, жұмысқа деген құлшыныстарын арттыратын сөздер сөйледі, сондай-ақ, нақты тапсырмалар жүктеді.  Жиын үстінде  жат ағыммен күресу жұмысында нәтижелер көрсеткені үшін Екібастұз қалалық мешітінің наиб имамы Сәлменов Дидар қаржылай сыйлыққа ие болды.

Сонымен қатар алдағы уақытта кез-келген тапсырманың есебін уақытылы жіберу мәселесі қатаң ескертіліп, қала, аудан имамдары атқаратын жұмыс жоспары кеңінен пысықталды.