«Хабиб бөркі» сәнге айналды

    378

    Астана. 28 қаңтар. KAZISLAM – ММА спортшысы Хабиб Нұрмағанбетовтің ұлттық бөркі оның негізгі атрибутына баланады. Тіптен, оны дәл осы бөркімен танитындар көп. Ал спортшы жанкүйерлері арасында аталмыш бөрік сәнге айналған.

    Дағыстандық Хабиб Нұрмағанбетовтің ирландтық Конор Макргегормен болған атышулы кездесуінен кейін ақ бөрікке деген сұраныс арта түскен. Мәселен, Тәжікстанда дәл Хабибтің бөркіне ұқсас бөріктер сатылымы көбейген.

    «Әрине, Душанбе нарығындағы бөріктер нағыз қой жүнінен жасалмаған, арзан, көпшілікке қолжетімді, ұқсас түрлері. Синтетикалық ақ «хабибтік бөріктер» 50 сомониден сатылып жатыр және Нұрмағанбетов жанкүйерлері үшін бұл ерекше сыйлық болуда» деп жазады Sputnik.com.