Имамдардың ұйытқы болуымен мешіт жамағатының ауызбіршілігін арттыру, жақсылыққа жұмылдыру жалғасып келеді, деп хабарлайды yassi.kz.

Нәтижесінде қаншама қиналған отбасылар шарапатын көріп жатыр. Жамағаттың жылуы баспаналы болуға, тұрмысты түзеуге, азықсыз қалмауға жұмсалады.

Осындай жәрдемнің бірі шардаралық көпбалалы отбасыға да жетті. Оларға жаңадан салып жатқан үйдің шатырын жабуға қаржылай көмек көрсетілді. Орталық мешіт жамағатының атынан аудан имамы Асылхан Данияров 175 мың теңге қолма-қол жеткізіп берді.

Сондай-ақ, жамағат Талғат Болаттың ұйымдастыруымен «Өтеғұл» шағын-ауданының тұрғындары қайырымдылық шарасын атқарды. Асыраушысынан айырылған, тұрмысы төмен, кембағал мүшесі бар 10 отбасыға азық-түлік пен қаражат үлестірілді.

Пікір жазу