БҰҰ Соты БАӘ-нің Катарға қарсы әрекетін заңсыз деп таныды

    168

    Астана. 24 шілде. KAZISLAM – БҰҰ Халықаралық соты БАӘ билігі тарапынан Катарды бұғаттау саясаты дұрыс еместігін айыптады.

    Ресми Доха Абу-Даби билігінің Катар тұрғындарына қысым көрсетіп, оның ішінде катарлық азаматтарды әмірліктен шығару, БАӘ территориясына кіруіне тыйым салу секілді шаралар қабылдағанын хабарлады. Катар БАӘ-нің бұл әрекеттері нәсілдік қысымның барлық түрлерін аластату туралы Халықаралық конвенцияға қайшы келетінін мәлімдеді.

    Еске сала кетсек, 2017 жылдың 5 маусым күні төрт араб мемлекеті – Сауд Арабиясы, Бахрейн, БАӘ және Египет – Доха терроризмге қолдау көрсетеді деген айып тағып, Катармен дипломатиялық қатынасты тоқтатты.

    Осыдан соң аталмыш елдер тарапынан Доханың орындауына мүлде қиын тиетін талаптар тізімі жарияланды.