[:kk]Мұхаммед Пайғамбарға қылыш тақаған адам[:]

    0
    13

    [:kk]

    Күндердің күнінде Пайғамбар (с.а.у.) әскерімен жорыққа шығады. Бір уақытта мұсылмандар шамалы тынығып алайын деп тал астын көлеңкелейді. Сол кезде бір тайпа өкілі қылышын Пайғамбарға тақап:

    — Енді сені менен кім құтқарады?-деп дауысын көтеріп бажылдайды. Пайғамбар (с.а.у.):

    — Мені тек Алла ғана құтқарады!-дейді. Кенет әлгі адамның қолы дірілдеп, қылышы жерге түсіп кетеді. Пайғамбар (с.а.у.) дереу қылышты алып оның мойнына тақап:

    — Енді сені менен кім құтқарады?-деп өзінен сұрайды. Ол:

    — Ешкім,-деп жарылқауын сұранады. Пайғамбар (с.а.у.) оны жайына қойып босатып жібереді. Әлгі адам тайпасына қайтып, адамдарды жинап:

    — Ей, халқым, мен адамдардың ішіндегі ең көркем мінезді жанның қасынан келдім,-деп Пайғамбарды (с.а.у.) жақсы сипаттап берген екен.

    Жалғас АСХАТҰЛЫ,

    дінтанушы     

    [:]