Құрметті діндес бауырым!

Пайғамбарымыз Мұхаммед (с.ғ.с) хадистерінде айтылғандай, жәннатта әр адамға шамамен жердің көлеміндей жер беріледі. Осындай кең жерде барлық достарымен бірге болады және осыдан бөлек тек өзіне ғана тиесілі жері болатыны туралы жазылған. Бұған қоса барлық жамандықтар былай тұрсын, жаман ойлау да жәннатта болмайды. Осы себептен де қызғану болмайтындай, адал болмаған нәрсеге қызығушылығы да болмайды.

Мәселен, көзі көрмейтін адам көре алмайды ғой, есту қабілеті болмағанда есіте алмайды. Көзі көрмейтін бір адамның қасында, сіздің бетіңіздегі дақты көріп қоймасын деп мазасызданасыз ба? Немесе құлағы мүлдем естімейтін адамның қасында даусым ұнамады, қате айтып қойдым, енді қалай айтсам екен дейсіз бе? Міне, жәннаттағы адамдарда да жаман ой және жаман мінез болмайды. Сонымен қатар жәннат пенделердің сынақ жері болмағаны үшін, тек адалы болғандарға ғана сезімі оянады. Осы себептен де адамдар арасында бұндай келеңсіздік орын алмайды.

Жәннатта әйелдер жәннаттық көйлек киеді. Алайда бұл көйлектер, бұл өмірдегі киімдер сияқты әурет жерді жабу сынды айырмашылығы жоқ. Құран Кәрімнің «Инсан» сүресінің 21-аятында жәннаттағы әйелдердің көйлектері жібектен және әшекейлермен тігілгені жайында былай деп хабар берілген: «Олардың үстіндегі жеңіл жібектен және ауырдан жасалған атластан жасыл көйлектер бар…» деп айтылған.

Сонымен қатар, «Хадж» сүресінің 23-аятында бұл жайында былай деп айтылған: «Еш күмәнсіз Алла, иман келтіргендерді және жақсы амал жасағандарды, астында сулар ағатын жәннатқа кіргізеді. Ол жерде алтыннан білезіктермен және інжулермен әдеміленеді, ол жердегі киімдер жібектен болады» деп жәннаттық әйелдерге хабар берілген.

Бұған қатысты Пайғамбарымыз Мұхаммед (с.ғ.с) хадистерінде былай делініп, Әбу Хурайра Пайғамбарымыздың былай деп бұйырғанын риуаят етеді: «Кім жәннатқа кіретін болса, нығметке қарық болады және сырқаттанбайды. Киімі де ескірмейді (шірімейді), жастық шағы бітпейді (мәңгі жас күйінде болады). Жәннатта ешқандай көздің көрмеген, ешқандай құлақтын есітпеген және ешқандай пенденің ойламаған нығметтері бар» [Мүслім, Бұхари]

Сапалы маталардан жасалған ыңғайлы және әдемі киім киюді барлық әйелдер ұнатады. Жұмақтағы түрлі-түсті және сұлулық киімдер де сол әйелдің талғамына сай болады. Бұл әлемдегі киімдер де қаншалықты әдемі болса да, әрқашан бір кемшілігі бар. Уақыт өте келе барлық киімдер тозады, түстері оңады және оларды алғаш киген кездегідей болмайды және бағаланбайды. Адамның бұл әлемде киімі көп болуы маңызды емес, өйткені бұл киімге деген ләззат адамның өмірімен ғана шектеледі. Бақилық болғанымызда барлық заттар сияқты, бұлар да артымызда қалады. Алайда жәннаттағы киімдер мінсіз, әдемі және алуан түрлі және мәңгі бақи бізбен бірге болады.

Пайғамбарымыз (с.ғ.с.) жәннаттағы киімдердің осы ерекшеліктеріне назар аударған бір хадисінде:

«…Бұл жерде үлкен сарайлар, арнасы кең өзендер, мол және піскен жемістер, әдемі және көрікті жұптар (әйел, жұбай), көптеген мәңгілік және түрлі-түсті әсем көйлектер бар. Бұл биік, әдемі және мейірімді жандардың өмір сүретін орны» деп бұйырған.

Сондай-ақ, жәннаттық адамдарда киімдері өте көп болады. Сондықтан ешкім өзіне жетпей қалады деп ойлап немесе киімге деген мұқтаждығы болмайды. Жәннаттық әйелдердің киетін киімдері ыңғайлы, әрі жайлы болып жаратылған. Киілген киім жәннаттың кемелділігі мен сұлулығында ешқандай қолайсыздық туғызбайды.

Бұл өмірдегі киімдегі кемшіліктер — киімнің түсуі, мыжылуы, кір, тозу және т.б. жәннатта болмайды. Жәннаттық өмір бұл өмірмен салыстырылмайды және ойлағанымыздан тым жоғары.

Исатай Бердалиев

Пайдаланған әдебиеттер

  1. Ахмет Зиуддин Гумушханауи (ө. 1893), Рамуз әл-Ахадис, Ыстамбұл 1275/1859, 1-том, 170 бет.
  2. Махмуд б. Ахмад әл-Куртуби (ө. 671/1273) әт-Тәзкира фи Ахуали л-мәута уә умури л-Ахира, 1-том, 21 бет.
  3. Әбу Абдуллах Мухаммад б. Исмайл б. Ибрахим әл-Жуфи әл-Бұхари (ө. 256/870), Жәми у-Сахих, «Жәннат» бабы.
  4. Әбу Абдуллах Ахмад б. Мухаммад б. Ханбәл әш-Шайбани әл-Мәруази (ө. 241/855), Муснет 18-баб.

Пікір жазу