Нәзір құрбандық дегеніміз не?

Сенбі, 06.01.2018
Нәзір құрбандық дегеніміз не?

Нәзір құрбандық дегеніміз – адамның көңілінде жүрген  бір ісі орындалғанда немесе ешқандай себепсіз де Алла Тағаланың разылығы үшін құрбандық етіп шалуға атаған малы.

Мысалы, ауырып жатқан адам «ауруымнан айықсам, құрбандыққа бір мал шалам» деп ниет еткен болса, ауруына шипа тауып аяғына тұрған жағдайда құрбан шалуы – уәжіп. Себебі, Құранда: «Әй, мүміндер! Уәделеріңді орындаңдар» (Мәидә сүресі, 1-аят) делінген. Осы жағдайда шалатын құрбандығы аталған, яғни нәзір құрбандық болады.

Нәзір құрбандық ретінде сойылған малдың етінен құрбандықты шалушы кісінің өзі және туыстарының жеуі дұрыс емес. Егер, олар сол құрбандық малдың етінен белгілі бір мөлшерде жеген болса, сол мөлшерде садақа береді.

Алау ӘДІЛБАЕВ,

теология ғылымының докторы

Ұнады ма? Достарыңмен бөліс:
Оқылды 232 рет
JoomShaper
Top