Әлемдік және дәстүрлі діндер лидерлері І Съезінің қорытынды құжаты

Сенбі, 17.08.2013

Әлемдік және дәстүрлі діндер лидерлерінің І Съезіне қатысушылардың Декларациясы

Біздер, Қазақстан Республикасының елордасы Астана қаласында 2003 жылғы 23-24  қыркүйекте өткен әлемдік және дәстүрлі дін лидерлерінің Бірінші съезіне қатысушылар, әр адамның өз дінін еркін таңдауы, көрсетуі мен тануы құқығын танып,

дінаралық келіссөздерді халықтар мен ұлттар арасында бейбітшілік пен келісімді қолдаудың маңызды аспаптарының бірі ретінде есептеп,

өркениеттер арасында келіссөздерді жылжыту бойынша Біріккен Ұлттар Ұйымының, өзге мүдделі халықаралық және өңірлік ұйымдардың, сондай-ақ үкіметтер, қоғамдық және үкіметтік емес ұйымдардың жұмылған күшін қолдап,

діннің барлық адамзаттың амандығы үшін маңыздығын растап,

дінді дұрыс танымауды және діндер арасындағы айырмашылықты жеке бастық, қиратушылық және зорлық мақсатқа қол жеткізу құралы ретінде бұрыс пайдалануды кіналап,

мыналарды

  • Адам өмірі сияқты қасиетті сыйлыққа және әр адамның намысына деген құрметтің азайып бара жатқан деңгейін,
  • Кедейлікпен, аштықпен, сауатсыздықпен, аурулармен, өнегесіздікпен, сондай-ақ таза су мен денсаулық сақтауға қол жеткізуді шектеумен туындайтын жан жақты тұрақтылыққа елеулі сынды,
  • Қанауды, қайырымсыздық пен зорлықты дауды шешудің басты аспабы ретінде пайдалануды,
  • Қазіргі және келешек ұрпақ үшін қауіпті зардапты әлемдегі экологиялық дағдарыстытанып,

БЫЛАЙ ДЕЙМІЗ:

Төзімділік, шындық, әділдік және махаббат сияқты құндылықтарды алға жылжыту кез келген діни уағыз мақсаты болуы керек,

Экстремизм, терроризм және зорлықтың өзге түрлері дін атынан дінді шын танумен ешбір қатысы жоқ, адам өмірі үшін қауіп болып табылады және одан бас тарту керек,

Діни пікірлер мен сенімдердің әр түрлілігі өзара күмәндану, кемсіту және жәбірлеуге емес, әр дін мен мәдениеттің бірегейлігін көрсететін өзара қабылдау мен үйлесімділікке әкелуі керек,

Діндер төзімділік пен өзара қабылдау барлық халықтардың бейбітшілік қатар өмір сүруінің елеулі аспаптары ретінде танып үлкен ынтымақтастыққа ұмтылулары керек,

Білім беру бағдарламалары мен әлеуметтік қатынас құралдары діндер мен мәдениеттерге оң тәсілдерді алға жылжыту бойынша маңызды аспаптар болулары керек,

Дінаралық келіссөз барлық халықтардың қоғамдық дамуы мен әл-әухатының жақсаруының, төзімділікті қолдаудың, түрлі мәдениеттер мен діндер арасында өзара түсіністік пен үйлесімділіктің негізгі тәсілдерінің бірі болып табылады, сондай-ақ соғыс пен күш көрсетудің болдырмауға көмектеседі,

Барлық адамзаттық қоғам өшпенділікті, дұшпандық, төзбеушілік пен ксенофобияны жеңуде қолдау табуы керек,

Біз жаңа мыңжылдықта бейбітшілікті қамтамасыз ету мақсатында рухани құндылықтар мен келіссөздер мәдениетін алға жылжыту ісінде ынтымақтастықты күшейтуіміз керек;

Біз діни айырмашылықтарды өшпенділік пен іріткі салу аспабы ретінде пайдалануына жол бермеу және адамзатты діндер мен мәдениеттің жаһандық дауынан сақтап қалу үшін бар күшімізді жұмсауға әзірміз,

Біздер адамзат үшін бейбітшілік пен прогрессті қамтамасыз ету бойынша және келешекті үйлесімді әлем негізі ретінде қоғамда тұрақтылықты қамтамасыз ету үшін бірлескен әрекетті күтеміз,

Біз Қазақстан Республикасына және Аса Мәртебелі Президент Нұрсұлтан Назарбаевқа осы Съезді шақырып жүргізгені үшін үлкен алғысымызды білдіреміз,

Біздің міндеттемелеріміз қолдау тапсын және барлық халыққа әділдік, бейбітшілік және өркендеу сый болсын.

 

 

 

 

Ұнады ма? Достарыңмен бөліс:
Оқылды 1359 рет
JoomShaper
Top