Елбасы БҰҰ Қауіпсіздік Кеңесінде өтетін брифингке қатысады

Сәрсенбі, 03.01.2018
Елбасы БҰҰ Қауіпсіздік Кеңесінде өтетін брифингке қатысады

Астана. 3 қаңтар. KAZISLAM – 18 қаңтар күні Қазақстан Президенті Нұрсұлтан Назарбаев БҰҰ Қауіпсіздік Кеңесінде өтетін жоғары дәрежелі тақырыптық брифингте сөз сөйлейді.

Брифингте жаппай қырып-жою қаруын таратпау мәселесі әңгімеге арқау болады. Бұл туралы БҰҰ-дағы Қазақстанның тұрақты өкілі, Қауіпсіздік Кеңесінің қаңтардағы төрағасы Қайрат Омаров Нью-Йорктегі БҰҰ-ның штаб-пәтерінде өткен баспасөз мәжілісінде хабарлады.

Келелі жиынға сондай-ақ өзге елдердің де басшылары мен министрлері қатысады. Ал он тоғызында Қазақстанның Сыртқы істер министрі Қайрат Әбдірахманов Ауғанстан мен Орталық Азия елдері арасындағы өңірлік ынтымақтастықты арттыруға бағытталған министрлік деңгейіндегі дебатқа төрағалық етпек.

 

Ұнады ма? Достарыңмен бөліс:
Оқылды 50 рет
JoomShaper
Top