Ғибратты әңгімелер

Әбу Ханифаның жомарттығы

Бір күні ғұламаның дүкеніне барып:

– Маған киім керек боп тұр, — дедім.

– Қандай түсті? — деп сұрады. Мен көйлектің реңін айтып түсіндірдім.

– Қазір жоқ. Сабыр ет, сәті түссе, саған арнап алып қоямын, — деді.

Бір апта өтпей жаңағы мен сұраған көйлек түсіпті. Дүкенінің жанынан өтіп бара жатып, мені шақырып алды.

– Өткенде сұраған киіміңіз дүкенге түсті, — деп көйлекті көрсетті. Маған киім қатты ұнады.

– Қанша төлеп кетейін, — деп едім:

– Бір дирхам, — деп жауап берді. Таң қалып:

– Бір дирхам ба? — деп қайта сұрадым.

– Ия, бір дирхам, — деді.

– Менімен әзілдеседі деп ойламаппын.

– Жоқ, әзіл емес. Бұл киімдерді 20 динар, бір дирхамға сатып алдым. Біреуін 20 динарға сатып жібердім. Енді мына қалғаның бір дирхамға сатып отырмын. Достығымды пайдаға қолдана алмаймын, -деді Әбу Ханифа.

Асылхан ЖАҚЫПОВ

Толығырақ

Басқа жаңалықтар

Мынаны оқыдыңыз ба?

Close
Close