Жаңалықтар

«Нұр-Мүбарак» университеті мен «Асыл Арна» телеарнасы меморандум қабылдады

Астана. 8 қараша. KAZISLAM –  «Нұр-Мүбарак» университеті мен «Асыл арна» телеарнасы арасында ынтымақтастық меморандумы қабылданды. Бұл тарихи сәт жүзеге асар алдында «Асыл арна» телеарнасының Бас директоры, Қазақстанның еңбек сіңірген қайраткері Мұхамеджан Тазабековты Нұр-Мүбарак университетінің ректоры профессор Мухаммад аш-Шаххат әл-Жинди қабылдады. Екі жақты келісімнің еліміздегі имандылықтың, саналы ұрпақтың тәрбиесінде маңызы зор екендігі айтылып, болашақ жоспарларға шолу жасалды.

 «Асыл арна телеарнасы жайлы біліп жатырмын, қазақ елінде дінімізді, имандылық пен адамгершілік құндылықтарын насихаттайтын телеарнаның болуы өте керемет. Себебі қазір технологияның заманы, адамдар көбіне ғаламтор, теледидар арқылы ақпарат алады. Ал жақсы, пайдалы ақпарат тарату – бұл үлкен еңбек» деді ректор, профессор Мухаммад аш-Шаххат әл-Жинди.

«Бұл рухани саладағы үлкен оқиға. Өйткені «Асыл арна» эфирінен шығатын хабарларда сұхбат беретіндер негізінен осы «Нұр-Мүбарак» университетінің түлектері. Елімізге белгілі Қайрат Құрманбаевтай үлкен ғалымның келуімен жаңа өзгерістерге жол ашып, әріптестік байланыс меморандум арқылы жүйеленуда. Ынтымақтастығымыз университетке жаңа басшылық келуімен жаңа белеске көтеріліп жатыр» деді телеарна басшысы Мұхамеджан Тазабеков.

Кездесуге сыйымен келген «Асыл арна» төл туындысы, Бұхари хадисіне негізделіп, заманауи үлгіде түсірілген «Шатқал» фильмін ұсынды. Туындыны көрермендер тапжылмай отырып тамашалап, ризашылықтарын жаудырды.

Толығырақ

Басқа жаңалықтар

Close